ВМРО: СДСМ си игра со меморијата и интелигенцијата на народот . СДСМ: ВМРО е во паника

165

СДСМ си игра со меморијата и интелигенцијата на народот, па една иста работа ја рекламира и дислоцира по неколку пати, кажаа на прес од ВМРО ДПМНЕ:

„Најпрво, согласно Програмата „За живот во Штип“, затворен базен ќе имаше во СРЦ Суитлак. Со грабањето на власта, таа изјава се промени и дури се издаде и одобрение за градење во склоп на ООУ „Димитар Влахов“. За половина година, се промени и таа одлука, и се одлучи базенот да се стационира во салата „Јордан Мијалков“. Но, очигледно и таа локација не била конечна, па вчера, лично од градоначалникот дознавме дека затворен базен ќе имаме во населба Деснаци. Четири пати променета изјава, не е ништо другу туку играње со сеќавањето и интелигенцијата на народот“  изјави Игор Ефтимов, портпарол на ВМРО ДОМНЕ – Штип

СДСМ: ВМРО е во паника

Во изминатите две години во Штип се работи напорно и посветено за на граѓаните да им се обезбеди она што им е ветено, но и она што им е потребно, возвратија од СДСМ:

„Јасно е дека паниката во редовите на ВМРО ДПМНЕ е голема заради тоа што луѓето кои 10 години беа на власт ниту шајка не заковаа во Штип. Изградбата на новиот покриен базен започнува неделава, а објектот кој ќе биде изграден е современ и енергетски ефикасен.Агенцијата за млади и спорт заедно со Општина Штип вложуваат 600.000 евра за граѓаните на Штип да добијат покриен базен, што значително ја збогатува понудата на спортски содржини кои се на располагање на граѓаните“ изјави Трајче Стојчевски, претседател на СДММ – Штип