Денеска се празнува Св. Василиј Велики

529

Православните христијани денеска, го одбележуваат денот на свети Василиј Велики кај народот познат и како Василица, но и православна Нова годинa
Свети Василиј помагал на сиромашните бил достоинствен спрема луѓето и бил голем светец и затоа ние си го празнуваме денешниот ден… Си имаме куќна слава и го славиме Свети Василиј изјавија анкетираните граѓани
Свети Василиј Велики е еден од најголемите светци а се празнувал уште во првите векови на христијанството.
„Свети Василиј бил достоен пред луѓето и заслужува голема почит. Во сите храмови има литургија на денешен ден.Но денеска православните граѓани ја слават и стара нова година со што започнуваат и новите денови“ изјави Јовче Ќурчински
Според обичаите на денешен ден се прави домашна погача во која домаќинките ставаат паричка, се пеат василичарски песни во кој треба да биде опфатен тропарот на свети Василиј Велики, а некаде се практикува и палењето на огнот кои треба да ја симболизира светлината Божја во новата година.Денеска имендини слават Васка, Васе, Василка, Весела.