Еден век Звегорски суровари

192

Со ускликот СУРОВА…СУРОВА…СУРОВА, суроварите карневалџии од делчевското село Звегор, безмалку еден век ја негув аат традицијата, денеска на Василица или стара нова година, да го бркаат злото од селото. 50-мината суровари се со најразлични маски..
„Од маските се мечка, нечкар, зет, невеста, суровари собирачи, и други карневалски страшни маски со цел да се избркаат лошите духови од нашето село“,објасни Стојан Трајановски – суровар
Најрадосен помегу карневалџиите е овогодишниот кум…
„Многу сум среќен и задоволен што сто години вака е по нашите селсмки сокаци. Со игра , песна, општа селска веселба ја негуваме нашата традиција на суроварски карневал во Звегор“, изјави Ѓорги Манов – кум на карневалот
За да се негува она што сто години постои како автентична традиционална препознатливост на ова село е да се знаат корените на манифестацијата
„Корените на суроварскиот карневал во Звегор датираат од пред сто години од планинското село Мановци. Тогаш нашите претци, бидејќи ова и тоа село било претежно турско, морале да се движат само ноќе,а не и преку ден. Тогаш се оформени овие карневалски обичаи со невеста и зет, како главн и бркаќи на злото од нашето село“, објасни Живко Цонев – учесник
Денеска Звегор ечи од зурли, тапани, василичарски песни. Сетоа тоа дополнето со скромна трпеза, безброј желби оваа година да е успешна и среќна. Помегу овие пораки не изостанува и апелот до младите, стогодишната традиција да ја продолжат…
„На младите им порачувам .Негувајте ја оваа оригинална стогодишна традиција на вашите родители и претци. Само така, Звегор ќе биде побогат духовно и препознатлив не само ту7ка во малешевијата, но и во цела Македонија и пошироко“,апелира Иван Гоцевски – учесник
Звегорскиот карневал завршува вечерва со сеопшта веселба сред село, со порака и в година овие слики да се повторат по звегорските сокаци, како своевиден етнолошки бренд на ова делчевско село…