Започна изградбата на првиот затворен пливачки базен во Штип

257

Штипски спортисти и спортски работници денеска го поставија камен темелникот на првиот затворен пливачки базен во градот. Лоциран е во месноста Суитлак, во непосредна близина на населбата Блок 77 или попозната како Деснаци.

„Драго ми е што општина Штип ќе добие затворен пливачки базен по сите востановени светски стандарди, особено стандардите по ФИНА и ЛЕН, и секако отворање на можноста тука да се организираат големи натпревари од меѓународен карактер. Димензиите на идниот затвотрен пливачки базен се: 25 метри должина, девет метри ширина, рокот на изведба на базенот е 18 месеци. ОПд изведувачот има најави дека базенот може да биде готов и пред предвидениот краен рок. Така што, можно е граѓаните на Штип првиот покриен пливачки базен да го имаат  кон крајот на оваа или почетокот на идната година“, изјави Дарко Каевски – директор на Агенција за млади и спорт

Зошто овој ден е значаен за штипскиот спорт,посебно пливањето и за граѓаните.

„Значаен поради тоа што за прв пат во историјата на градот, се гради покриен базен во општина Штип, со што ги надминуваме сите оние неправди и неостварени ветување што во минатотот се случуваа, во опднос на изградба на еден затворен пливачки базен во градот“, посочи Благој Бочварски – градоначалник на о. Штип

Вредноста на овој капитален проект е 38 милиони денари. Изградбата на затворениот базен е дел од владиниот проект изградба на 14 затворени пливачки базени во исто толку градови во Македонија. Согласно планот, во втората фаза ваков тип на базени ќе се градат во Кочани и Струмица.