Нова паркинг платформа ќе се гради во центарот на Штип

234

Нова паркинг платформа ќе се гради во центарот на Штип. Локацијата е напосредно пред Здравствениот дом, каде во моментот има и најголема потреба од паркирање.

Инвестицијата е од  околу 18 милиони денари, а по половина сумата треба да ја обезбедат Владата и Општината:

„Веќе ќе биде распишана јавната набавка за изградба на новата платформа која се наоѓа кај здравниот дом Панче Караѓозов и ние со кофинансирање многу брзо ќе започнеме со изградба ,со завршување на тендерските постапки ќе започнеме со изградба на третата платформа.Тоа е сериозно олеснување за паркирањето и за сите наши граѓани кои што се движат и гравитираат низ центарот на градот ,но и за сите оние кои доаѓаат од други градови “ изјави Благој Бочварски, градоначалник на о. Штип

Во меѓувреме, Општината е во интензивна комуникација со сопствениците на просторот на градскиот базен. Во негова близина тие имаат обврска да изградат катна гаража, а комуникацијата е во насока стартот на градежните работи да се забрза.

Од друга страна, од Општината најавија набавка на уште едно пајак возило. Постапката за тоа ќе започне веднаш откако за тоа ќе се создадат услови, односно откако ќе завршат Изборите, зашто во мометов , сите набавки кои не се во тек, се стопирани.

На овој начин, од Општината се надеваат дека состојбата со сообраќајот во Штип ќе се нормализира:

„Еве создаваме и прави места ,но даваме и право за создавање на ред во сообраќајот,да се поставуваат столбчиња со што се гарантира безбедно движење на пешаците ,а не тротоарите да постанат паркинг простори ,така и ќе работиме во иднина со цел решавање на вистинските проблеми на нашите граѓани“ изјави Благој Бочварски, градоначалник на о. Штип

Инаку, во Штип има околу 700 паркинг места на кои паркирањето е платено. Цената е 20 денари за час.