Обвинителството бара 2.000, односно 3.000 евра казна за кочанец и штипјанец. Не ја почитувале самоизолацијата

197

Обвинителството бара  2.000, односно 3.000  евра казна за кочанец и штипјанец. Не ја почитувале самоизолацијата иако на тоа се обврзале со потпис и во залог го ставиле и моралното и материјалното.

И покрај ова, кочанецот, кој на 16-ти се вратил од странство, во исолзација останал неполни 48 часа. Веќе на 18-ти март, наместо да седи дома, се упатил кон полициската станица во Кочани, со што ја прекршил самоизолацијата , но и на потецијален ризик ставил многумина.

„Поради стореното кривично дело, јавен обвинител од Основноито јавно обвинителство Кочани, на судот му предложил на обвинетиот да му изрече парична казна  во висина од 100 дневни глоби од по 20 евра, во денарска противвредност“, информираат од Обвинителството.

За ист прекршок, Штипското Обвинителство за штипјанец кој се вратил од високоризичната Шпанија , бара казна  од 3.000 евра, односно 100 дневни глоби од по 30 евра.

Штипјанецот, во државата влегол на 17 март кога и ја потпишал изјавата за самоизолација, но наместо дома, од аеродром отишол директно во општинската зграда.