Прес на ВМРО ДПМНЕ: Штип стана двојазичен. Градиме еднакво општество за сите, возврати Филипче

718

Штип стана двојазичен, обвини на прес ВМРО ДПМНЕ. како пример за ова тие ја посочија таблата на Трансфузиологија во Клиничката болница која е напишана на македонски, албански и англиски јазик:

„Со оваа табла поставена на зградата на Институтот за Трансфузиона медицина, само уште еднаш се докажува на кој начин СДСМ функционира, само со  манипулации и лаги. Со оваа табла паѓа во вода сето она уверување и убедување од страна на Зоран Заев и градоначалникот Благој Бочварски дека Законот за употреба на јазиците нема да важи на целата територија на државата. Бидејќи денес во Штип ќе се одржи Седница на Владата на Република Македонија, ги повикуваме функционерите од СДСМ во Владата на Република Македонија, гордо да застанат до оваа табла и да ја овековечат нивната посета на двојазичен Штип“, истакна Игор Ефтимов, портпарол на ВМРО ДПМНЕ – Штип.

На ова реагираше министерот Филипче: „Не знам зошто на ВМРО ДПМНЕ би им сметало една таква работа. Цивилизациска придобивка е луѓето да можат да се разберат. Ние живееме во едно општество кое што го градиме да биде општество за сите, без никаква форма на дискриминација, општетсво во кое се почитуваат правилата и законите, кое очигледно на ВМРО ДПМНЕ им смета“, изјави Министерот за здравство др Венко Филипче