Штипски пензионери шијат дома, а Фирма од Делчево изработува специјални маски за медицинскиот персонал

325

Пластични заштити за лице, изработи фирмата од  Делчево. Велат дека во нивниот случај не станува збор за  платно или ткаенина  туку за нешто сосема друго.

„Користиме материја која е провидина и флексибилна да се произведе и да се изработи една маска. Се надеваме дека маската ќе е функционална за нашите доктори да се заштитат од првиот удар“ изјави  Драган Сугарев, „Брегал“ – Делчево

Од овие причини, нивните маски  се наменети исклучиво  за медицинскиот  персонал, велат за ТВ Стар од фабриката. Досега на инфективните одделни и во сите болници во Државата се распределени над 200 маски

„Мотивот беше да се изработи и да се донира за нашиде доктори да се заштитат и од срце да се донират на сите болници“ изјави Драган Сугарев, „Брегал“ – Делчево

Во исто време, голем број пензонери од Штип  слободното време  исто така  го користат посветено на  општетствениот проблем.  Сите тие  шијат маски дома. 

„Ние како Здружение на пензионери – Штип, се приклучуваме на препораките на Владата на РСМ, и за нашите членови пензионери во овој период кои имаат слободно време на претек, решивме да сошиеме 3000 заштитни маски, што ќе бидат бесплатни за сите нив. Така да, ангажиравме поголем број на пензионери кои се вклучија во оваа така да ја кажам хумана акција, и маските ги шијат дома. Со нивна меѓусебна комуникација  верувам дека маските за кратко ќе бидат готови“, изјави Ристе Нетков – претседател на ЗП – Штип и Карбинци

Според  договорот, маските ке бидат готови до понеделник кога ке се делат на повеке пунктови во Штип.

„Во врска со изработката и дистрибуција на заштитните маски договорено е тие да се поделат пред влезовите од супер маркетите на Кир – Го во градот, во раните утрински часови во понеделник од 08.00 до 09.00 часот. Освен бесплатното делење на заштитни маски за пензионерите, ќе поделиме бесплатно и заштитни ракавици“, информира Нетков 

Во моментов, во дел од штипските конфекции се шијат околу 20.000 заштитни маски, наменети за граѓаните.