Компанијата „Зегин“ и Општина Делчево во пресрет на новогодишните празници ја реализираа традиционалната хуманитарна акција. Денеска беа доделени 60-тина пакети со прехранбени производи на семејства кои живеат во социјален ризик. Со оваа хуманитарна акција уште еднаш се покажа на дело општествената одговорност на компанијата „Зегин“ со чија поддршка перманентно во текот на годината се делат пакети со храна на семејства на кои оваа помош им е добредојдена.