Малоленик од Кочани, е фатен за време на кражба во Скопје. местото каде 17-годишникот е уапсен од страна на полицијата е општината Шуто Оризари, а полицијата таму го лоцирала по претходна пријава дека извршил тешка кражба во Скопје.
„ Во Полициското одделение Шуто Оризари во присуство на инспектори по малолетничка деликвенција , стручен тим од Центарот за социјални работи и адвокат, бил извршен разговор со малолетникот кој во целост ја појаснил постапката на извршената тешка кражба“, информираат од МВР.
Известен е и дежурен јавен обвинител за малолетници, од каде што е добиено известување дека малолетното лице имало претходна правосилна пресуда и треба да биде спроведено до Воспитно поправниот дом во Тетово.
По целосното документирање на случајот против осомничениот ќе биде поднесена соодветна пријава.
