Изборот на локален партиски лидер на СДСМ Штип најверојатно ќе се пролонгира, иако процедурата е речиси завршена а некои од роковите се пробиени, изјавија високи партиски функционери за ТВ Стар.
Кандидатите се истакнати наши членови и зад себе се со завидни постигнувања, но СДСМ е голема партија за да има само 4 претенденти за престижното место прв човек на Штип. Во интерес на сите е конкуренцијата да се зголеми со нови имиња поради што ќе се даде можност во трката да се вклучат и нови лица, велат извори од партијата.
Ова практично значи дека изборот се одлага на неодредено но не не и за предолго идно време. СДСМ, особено во Штип, бара итно соземање и итна партсика реконструкција на сите нивоа зашто уште еден евентуален пораз на следните избори, партијата може да ја доведат на ниво од деведесетите години, коментираат партиски аналитичари.
Токму и поради ова, се заклучува аналогно, не и некоја мистерија што потпреседателката Сања Лукаревска и останатите точно запишале во своите нотеси на интервјуата со кандидатите Билјана Казанџиска, Ѓорѓи Хубрев, Александар Кангалов и Павел Иванов кога тие ја образлагале својата програма. Деталите се небитни а заклулокот се наметнува сам.
Имено, фактот што во меѓувреме, прекутно се одобрува продолжение на рокот за пријавување и дека тоа ќе го искористат најмалку двајца нови претенденти оди в прилог на тезата дека се бара посилна конкуренција и дека ќе има уште најмалку двајца нови аспиранти. Дали токму некој од нив ќе им ги поремети плановите на актулените кандидати е неизвесно, но сигурно е дека сегашните четворица наскоро ќе бидат најмалку шестмина.
