Денес е ден посветен на маченичката Варвара, еден од поголемите христијански празници од зимскиот циклус. Света Варвара пострадала во 306 година, а нејзините чудотворни мошти почиваат во Киев. Таа се смета за заштитничка на жените и децата, особено од болести.
Празникот на Светата великомаченица Варвара народот најчесто го поврзува со заварување, варење и сл. Во народните сфаќања Варвара се поврзува со преминот од есен во зима. Се верува дека од Св.Варвара до Св.Игнатиј Богоносец денот се „крева“, се зголемува колку иглен врв; дека на Св.Варвара денот и ноќта се еднакви или дека Сонцето се врти кон летото.
На овој ден, обичај е да се вари пченка, за здравје и бериќет и се јаде посипана со шеќер.
