Доделена наградата за првороденчево во Делчево

Градоначалникот на Делчево, Горан Трајковски денеска го посети семејството на првороденото новороденче во Делчево, кое на 8 јануари се роди во штипската болница. Ајаз е трето дете на семејството на Сабина Зекировска и Роберт Мемедов, а е прв жител во Делчево за оваа 2023 г. Семејството ќе добие парична награда во износ од 10.000 денари, која традиционално Општина Делчево ја доделува на првороденото во новата година, а со цел да се помогне на семејство кое живее во социјален ризик, му дониравме и пакет со хуманитарна помош.