Нема крај сечата на шума во блиската околина на Штип. Гледачи секојдневно реагираат на злосторството кое темелно се спроведува од дрвокрадците , но засега во помош на природата не застанува никој.
Аргументи за бескрупулозните кражби , гледачи ни доставија и денес од кои се гледа со каква леснотија и слобода крадците ги ништат белите дробови на природата.
Што за ова велат од шумската полиција:
„ Контроли на терен се врат редовно и се преземаат сите мерки за намалување на дивата сеча на шуми. Сепак, на терен се соочуваме со организирани групи, а нам ни недостига струен кадар, пред се шумски чувари, возила и инспектори. Во државата има 14 шумарски инспектори, како и шест возила за на терен. А, тие се далеку од доволни за да се следи целата територија“, информираат од Инспекторатот за шумарство.
Според податоците на еколошките здруженија, нелегалната продажба на нелегално исечени дрва изнесува околу 20-30 % од планираниот годишен сечив етат на шумите со кои стопанисува ЈП Национални шуми.
