Во случај на земјотрес, најголемата опасност доаѓа од дивоградбите, потенцираат од Институтот за земјотресно инженерство и инженерска сеизмологија. Илјадниците објекти кои се легализираа, немаат никаква потврда за сезимичка безбедно, а кај голем број надградби, нема ниту техничка документација со што, како штопотенцираат оттаму, „на една непознаница се става уште еден поголем ризик“.
„ Една од слабите алки во овој синџир кога станува збор за сигурноста се дивоградбите, доградбите и уривањето на внатрешни ѕидови во становите. Информациите за нив се многу оскудни, значи само со геодетски елаборат, со изјава од сопственикот и со сметки од комунално и од струја, се легализираат и се ставаат во фондот на објекти“, велат од Институтот.
За разлика од објектите градени на диво, новите градби кои се со дозволи и одобренија, се сеизмички стабилни, а инженери од Институтот, вршат редовни контроли во текот на целата градба.
Сепак, од Институтот потенцираат дека мора да се работи на едукација на населението за постапување во случај на земјотрес, како и на постојана контрола на градбите, но и зајакнување на контролата кај дивоградбите.
