Линеарното покачување од 2.700 денари ги извади денес здравствените работници на протест, со барање час поскоро да се регулира ова прашање и да се потпише колективниот договор.
Поддршка Синдикатот доби и од менаџментот на Болницата, од каде потсетија дека во изминатиов период, за здравствеото е направено многу.
Во организација на Синдикатот на здравствените работници, денес се протестираше во сите јавни здравствени установи во државата:
Министерот за здравство е во оставка, а со овој протест сакаме да испратиме порака и Владата да ги слушне нашите барања и да ги исполни ветувањата за покачување на минималнитот личен доход. Сега просечната плата на една медицинска сестра со средно образовние, заедно со дежурствата е меѓу 24 и 25 илјади денари. Покачувањето треба да биде 3 илјади денари во бруто износ за сестри со средно образование, а 2 илјади денари за сите останати. Таков беше договорот меѓу синдикатите и министерството, истакна Родна Ефремова, претседателка на кочанскикот огранок на Самостојнот синдикат за здравство.
Протестот на вработените во КБ – Штип беше најавен пред два дена, а се одвиваше за време на паузата, така што сите активности на вработените се одвиваа нормално, а застој во прегледот на пациентите и нивното лекување немаше.
Првично, дел од барањљата беа и исплата на јануарската плата која доцнеше поради хакирање на системот на ФЗО, но истата е исплатена во текот на вчерашниот ден.
