Човечка грешка, потпомогната со лоши временски услови и нејсана и несоодветна патна сигнализација, се засега најверојатните причини за страотната автобуска несреќа во Бугарија. Ова се првичните констатции на Бугарското јавно обвинителсто , изнесени на денешната прес конференција:
„Во моментов водечка верзија е дека се работи за човечка грешка. Овде ќе ја потенцирам и верзијата за лоша патна сигнализација, лоша организација на движењето на патот . Банкината во која удрил автобусот, не само што не е корисна, туку е и опасна за движењето и таа е клучна за настанувањето на инцидентот“ изјави Борислав Сарафов, јавен обвинител
Реконструкцијата на настанот која ја направи бугарскиот обвинител Борислав Сарафов покажува дека автобусот од, досега неутврдени причини, свртел кон десно и удрил директно во банкината:
„Има траги на кочење. Возачот реагирал пред ударот во банкината. Потоа, од необјаснети причини се отклонил кон десно и удрил во банкината. Дали го згрешил патот, било темно, дали причината е друга, не знаеме“ изјави Марјан Малинов, раководител на групата истражувачи
Самото влечење на металната ограда под автобусот предизвикала големи искри кои предизвикале палење на нафтата и маслото во автобусот. Огнот кој избувнал во предниот дел не им дал шанса на патниците да побараат излез од предната врата, па сите поитале кон задната. Но таа била заглавена од оградата на патот. Починале од задушување:
„Обдукциите покажаа дека сите починале како последица на задушување од пожарот, а не од трауми од удар. Во дишните патишта се најдени саѓи, што значи дека вдишале чад и биле живи во моментот на пожарот“
Обдукциите покажаа дека сите починале како последица на задушување од пожарот, а не од трауми од удар. Во дишните патишта се најдени саѓи, што значи дека вдишале чад и биле живи во моментот на пожарот“ изјави Борислав Сарафов, јавен обвинител
„Бугарските истражили, категорично ги демантираа информациите дека причина за катастрофата е шверц на нафта или петарди. Траги од такво нешто форензичките анализи во авобусот не пронашле, а отфрлена е и претпоставката за можен тероистички напад.
Она што денес предизвика збунетост е информацијата дека бројот на жртви е 44, а од автобусот се спасиле 8 патници. Сепак, во болница се само 7.
Според списокот, во моментов на несреќата внатре биле 52-ца. Една од претпоставките е дека 8-миот патник по паузата се преместил во друг автобус.
