Во есенскиот и зимскиот период од кашлицата, грипот и настинките никој не е поштеден.
Наместо бројните сирупи ви го препорачуваме овој едноставен домашен лек против кашлање, без нуспојави, кој е идеален и за најмладите членови на семејството.
Потребни состојки: Мед и Црна трупка.
Подготовка: Издлабете ја внатрешноста на црната трупка така што од неа ќе направите чаша. Издлабениот дел наполнете го со мед (водете сметка дека и трупката ќе пушти сок, па затоа не ја полнете со мед до самиот врв). Ставете ја трупката во доволно широка чинија која ќе служи како држач. Оставете ја да отстои преку ноќ на собна температура. Добиениот сируп наутро ставете го во сад со капаче.
Можете да го консумирате по желба, на секој час, по „нападот“ на кашлицата и нормално пред спиење за да го смирите грлото.
