Воздухот во Кочани вчера беше како во него да работи најтешка индустрија , откако мерењата покажаа високоризични и досега неизмерени над 400 ПМ 10 честики.
Бидејќи таков голем загадувач во Кочани не постои, јасно беше дека станува збор за вонредна еколошка состојба, а изворот беше лоциран во населбата Трајаново Трло.
Најголема причина за енормното загадување во Кочани, беа запалените гуми и пластика , кои синоќа состојбата со воздухот ја направија алармантна , поради што денес на терен излезе и инспекцијата.
Од општината денес најавија вонредно расчистување и на дивата депонија овде и поставување контејнери, но без соработка со тамошното население, решение за проблемот со загадувањето на Трајаново Трло , тешк дека ќе се најде.
За во иднина, загадувачите на воздухот точно да се лоцираат, еколошките здруженија бараат поставување на повеќе мерни станици во Кочани.
