Само неколку денови по забраната за лов на секаков дивеч, поради болеста африканска чума, диви свињи од Осогово се спуштија во нивите во Кочанско. Први на удар на крдата диви свињи се зеленчукот, есенските посеви, но и градинарските култури
Интересен е фактот што досега ловците не забележале угинати диви свињи како последица од африканската чума.Месото кое го имаат на залиха од досегашните хајки е исправно, покажале лабораториските испитувања.
Забраната за лов на диви свињи, доаѓа во екот на сезоната за лов на штетен дивеч. Ова значи дека поради малкуте храна во планините , може да се очекува ова да не биде последна посета на диви свињи, но и друг штетен дивеч во нивите и трлата на жителите од Истокот.
