Локалниот автобуски превоз во Штип ќе започне од септември, одлучи штипскиот совет на денешната седница. Новото линиско воспоставување доаѓа по големиот број реакции на граѓаните , откако такси превозот стана речиси недостапен со најновите цени.
Во однос на цената на билетите кои граѓаните очекуваат да бидат максимално прифатливи, од ЛС Штип велат дека тие од нивна страна ќе бидат субвенционирани .
Предвидениот локален автобуски превоз, се однесува и за Штип и за Карбинци.
Штип своевремено имаше локален автобуски превоз кој практично ги покриваше сегашните линии, но поради драстично намален интерес за него, локалната влас беше принудена да го укине и да заштеди пари.
Сега, со покачувањето на цените на горивата, потребата за него повторно е актуелна.
