Неполни два месеца е потребното време за граѓаните од првата зона на штипската нас. Суитлак да добијат вода за пиење. Во овој момент, главната водоводна линија е инсталирана и останатите детали се од техничка природа.
Останатите жители од Суитлак кои објекти имаат во повисокит дел од населбата, водата може да ја очекуваат во текот на идната година.
Решавањето на овој основен проблем за познатата населба е еден од приоритетите на ЈП Исар – Штип, поради што и чести се непосредни средби со граѓаните и Иницијативниот одбор, бидејќи 90 граѓани, досега авансно уплатиле по 15.000 ден. за да добијат вода.
Согласно договорите кои граѓаните ги имаат потпишано со ЈП Исар, поврат тие може да бараат доколку услугата не биде реализирана.
