СОНК денес дефинитивно го потврди штрајкот за од понеделник во кој ќе бидат вклучени сите вработени во образованието, градинките и вработените од институциите од културата. Очекуваната одлука денес ја соопшти претседателот Јаким Неделков, откако вчера повторно пропаднаа преговорите со Владата.
Одлуката на СОНК за Сојузот на средношколци е прашална, бидејќи наставниот процес ќе се оддолжи и недвојбено тие ќе бидат образовно оштетени.
Според СОНК, од понеделник штрајкот ќе го поддржат околу 30.000 нивни членови кои засега се категорични дека на работните места ќе бидат, но професионални активности нема да спроведуваат.
Паралелно на ова, од Министерството за труд и социјала се изјаснија дека децата во градинките ќе бидат згрижени, поради што директорите се задолжени да обезбедат алтернатива.
