100-тина сопственици во беровско не можат да ги користат своите имоти кои сега се дел од заштитениот предел Малешево. Иако нивните шуми се дел од зоната која подразбира можност за одржливо стопанисување, веќе втора година на нив не им се даваат дозволи за сеча или транспорт на дрва од нивните имоти.
Сопствениците на имоти сега тврдат дека не само што се оштетени, туку се и изманипулирани.
Вината за состојбата беровци ја лоцираат и во општината за која тврдат дека постапката за јавна дебат ја спровела нетранспарентно и во министерствата кои си ја префрлале топката и не им одговориле на барањата.
Поради ова познатите беровски приватни кории, сега повеќе се проблем отколку корист за сопствениците кои преку протести и тужби ќе си го бараат своето загарантирано право, да можат да си го користата своето.
