Од Министерството за транспорт и врски, по повод 100 дена Влада потенцираат дека реализацијата на капиталните проекти, преку изградба и реконструкција на патната мрежа, комуналната инфраструктура и железницата се приоритетни. Во 100-те денови од Владата, се заврши со изградба на втората фаза од експресниот пат Штип-Радовиш инвестиција од 23 милиони евра. Во делот на експресните патишта интензиво се работи на експресниот пат Курпиште до Кочани. Со проектот за „Поврзување со локални патишта”, распишан е јавен повик за реконструкција на 17 локални улици во 10 општини со вкупна инвестициона вредност од 5 милиони евра, потенцираат од Министерството.
- Advertisement -