Денес во Штип се одбележаа 119 години од загинувањето на македонскиот национален херој Гоце Делчев, кој беше убиен во заседа во с. Баница. Дел од својата учителска и револуционерна дејност Делчев обавуваше и во Штип поставувајќи ги темелите на напредната родољубива мисла. Токму и поради ова, годишнината од неговата смрт овде се одбележува со посебен пиетет.
За Македонија и Македонците, Делчев е најцврстата основа врз која е изградена македонската самобитност.
Освен во Штип, манифестација з аодбележување на 119 годишнината од загинувањето на Гоце Делчев, традиционално се одржа и во Делчево, градот кој го носи името на великанот.
Воедно, на денешен ден се одбележува и 42- годишнината од смртта на Јосип Броз Тито, доживотниот претседател на СФРЈ. По тој повод, група кочанчани и оваа година заминаа за Белград да се поклонат на гробот на Маршалот.
