Со обилно крварење и тешки скршеници малку по полноќ синоќа во штипската КБ се донесени 25 годишна девојка и 34 годишен маж од Кочани. Дежурната екипа кај младиот маж констатирала животозагрозувачки повреди.
Освен мажот тешко страдала и девојката кај која исто така има сериозни, но не по живот опасни повреди.
Случајов кој го вознемири Кочани го потврдуваат и од СВР Штип, од каде велат:
Го потврдуваме случајот, но во интерес на истрагата повеќе детали ќе има во наредниот период, велат од СВР.
Иако шпекулации поради кои дошло до речиси трагичниот случај има повеќе, како основна верзија се издвојува функционирањето на љубовен триаголник.
Извршиел според неофицијалните информации е бившиот сопруг на девојката кој своите жртви ги затекнал во куќа во месноста Монополски бавчи во Кочани.
