Општините, колку – толку извлекоа поука од ланската пожарна катастрофа во Источниот регион.
Противпожарните едниници се поопремени со опрема , пожарникарите поподготвени , а општините поорганизирани во тоа како да се спротистават на потенцијалните огнени ризици.
Лани, во пожарите пеколно страдаа Берово, Пехчево, Делчево и Кочани и заклучокот на сите одговорни беше дека никогаш повеќе огнот не смее да направи толку големи штети.
Речиси една година подоцна, прашањето е што општините презедоа во меѓувреме.
Сепак драстични промени во склоп на Територијалните противпожарни единици нема, а пожарникарите се уште имаат голем недостиг, првенствено од луѓе.
Големиот број пожари минатата година и долгогодишните последици од нив, ја промовираа идејата заеднички противпожарен систем во Регионот, но таа остана само идеја. Зошто.
Сепак, извесен исклучок е општината Кочани каде граѓаните се организираа во Доброволно противпожарно друштво, поминаа соодветни обуки и по пат на донации, собираат пари за купување на теренско возило. За нешто слично се подготвува и Пехчево.
На овој начин, се овозможува многу поголем човечки потенцијал со соодветни знаења, да се вклучи во гаснењето на евентуалните пожари.
