Од среда , 01 јуни Државата ќе ја активира наплатата на ДДВ за основните прехранбени артикли со што, по автоматизам цените на основните животни продукти ќе бидат поскапи за најмалку 5 %.
Со други зборови ова значи дека тие ќе имаат повисоки цени од 2-7 денари.
Калкулациите се дека маслото за јадење ќе поскапи за 7 денари, а лебот за дополнителни 2 , млекото би било поскапи за најмалку 3 денари, додека табла јајца и килограм ориз би добиле повисока цена за 5 денари.
Паралелно можност за нови повисоки цени се укажува да формираат и трговците кои досега тврдеа дека работат со загуба.
Основните животни артикли немаат алтернатива за граѓаните, но со новите цени тие ќе станат уште понедостапни за нив. Животниот стандард и досега се давеше во немаштија, но од среда ќе биде уште потешко. Како со новите цени ќе се снаоѓаат потрошувачите?
Иако поскапувањето силно ќе ги притисне сите , сепак најголемиот удар ќе го доживеат пензионерите и социјално ранливите категории. Згора на ова, месецов е последен кога пензионерите ќе ги примаат и последните владини 1.000 денари социјален додаток.
Новата неповолна ситуација ќе предизвика стрес во економијата , односно во производниот сектор бидејќи потрошуваќката секако ќе падне. Кои се очекуваните последици.
Секако ова не значи дека проблемите ќе завршат овде , бидејќи неизвесноста на полошо е комплетно присутна . Статистика пресметала дека за една година животнит стандард ни паднал з а 13, а само во април цените во просек се зголемени за 18 %. Што во наредниот период ќе се случува никој не може да предвиди освен дека претстои тешка зима .
