Кризата не им го собра данокот на општините. Наплатата на еден од клучните даноци кои ги полнат општинските каси некаде достигна и над 100 %.
Висок процент на наплата има и во општина Делчево. Лани таму од граѓани и фирми за нивниот имот е собран данок од над 10 милиони денари, што е 96 % од планираното. Од почетокот на годинава, пак, наплатени се над 20 % од овогодинениот данок. Во останатите општини, наплатата се движи од 60-85 %.
Во меѓувреме, во тек е дистрибуција на решенијата за оваа година и предупредување до граѓаните, заостанатите долгови да си ги платат.
Само Штип, Пробиштип и Делчево поделија околу 29.000 решенија за данок на физички и правни лица од кои очекуваат приход од над 50 милиони денар.
