Со засилено полициско присуство, но без инциденти, денеска во доворот на некогашното училиште во штипско Ново Село, каде своевремено учителствувал Гоце Делчев, штипјани ја одбележаа 151 годишнина од неговото раѓање.
Аманетот на Делчев, за суверена и самостојна Македонија,мора да се негува и надградува, истакна градоначалникот Иван Јорданов.
Делото на Гоце е предмет на научно истражувачка работа во штипскиот УГД.
Пред спомен рељефот на македонскиот револуционер и штипски учител, делегации од општината и останатите локално општествено политички ентитети, положија букети цвеќиња.
Со полагање на букети цвекиња пред паметникот на Делчев и граѓаните од Делчево ја одбележаа годишнината од раѓањето на патронот на нивниот град. Претходно, чествувањето беше збогатено со низа културни манифестации од повеќе институции на делчевската општина.
