Општина Делчево е една од двете најтранспарентни општини во Источно-планскиот регион со вкупно 93,30% поени за проактивна транспарентност и бележи пораст за 4 места во споредба со мониторингот од 2021 г, покажуваат последните резултати од мониторингот на Агенцијата за заштита на правото на слободен пристап до информации од јавен карактер во периодот од 10 април до 15 мај годинава со кој беа опфатени 89 институции- општини и центрите за развој на планските региони. Овие анализи го потврдуваат и дефинираат сериозниот пристап на општината кон својата отчетност и транспарентост со кои веќе години наназад се става високо во групата на најтранспарентни општини .
Изминатиов период, Општина Делчево изврши адаптација и усогласување на веб-страницата согласно со насоките од Министерството за локална самоуправа и Кодексот за транспарентност на локално ниво.
